बिहिवार, कार्तिक १३ २०८३Oct 29 2026
- ताजा अपडेट :
बिहिवार, कार्तिक १३ २०८३Oct 29 2026
बिहिवार, जेठ २९ २०८२
नेपाल वाइड
खोटाङ, २९ जेठ । खोटाङ जिल्लाका दुई बराहपोखरी गाउँपालिका र खोटेहाङ गाउँपालिकालाई पूर्ण खोप सुनिश्चितता गाउँपालिका घोषणा गरिएको छ । जेठ २६ गते खोटेहाङ र २७ गते बराहपोखरी गाउँपालिकालाई पूर्ण खोप सुनिश्चितता गाउँपालिका घोषणा गरिएको हो ।
जन्मेदेखि १५ महिनामुनिका १७४ जना बालबालिकाले हालसम्मको सबै खोप लगाएका छन् । यस्तै, १६ महिनादेखि ५९ महिनासम्मका ४५३ जना बालबालिकालाई सरकारले उपलब्ध गराउने १३ वटा नियमित खोप लगाईएको सुनिश्चित भएको छ ।
पूर्ण खोप सुनिश्चितता गाउँपालिका घोषणासँगै जिल्ला समन्वय समितिका उपप्रमुख सुरेश तामाङले पूर्ण खोप सुनिश्चितता तथा दिगोपनाको प्रमाणपत्र गाउँपालिका अध्यक्ष सालिकराम बन्जारालाई हस्तान्तरण गरेका छन् ।
यस्तै, खोटेहाङ गाउँपालिका पनि पूर्ण खोप सुनिश्चितता गाउँपालिका बनेको छ । यस गाउँपालिकामा जन्मेदेखि १५ महिनासम्मका २१२ जना बालबालिकाले हालसम्मको सबै आवश्यक खोप लगाएका छन् ।
यसैगरी, १६ महिनादेखि ५९ महिनासम्मका ७०५ जना बालबालिकालाई सरकारले उपलब्ध गराउने १३ वटा नियमित खोप लगाईएको सुनिश्चित भएको छ ।
सरकारले उपलब्ध गराउने १३ वटा नियमित खोप कार्यक्रममा समावेश भएका खोपहरूले बालबालिकालाई विभिन्न संक्रामक रोगहरूबाट सुरक्षा प्रदान गर्छ । यी खोपहरूमा क्षयरोग, हेपाटाइटिस, पोलियो, दिप्थेरिया, कालो खोकी, ध्वनी, रुबेला, खसरा लगायतका रोगहरूबाट बचाउने खोपहरू समावेश छन् ।
