बिहिवार, कार्तिक १३ २०८३Oct 29 2026
- ताजा अपडेट :
बिहिवार, कार्तिक १३ २०८३Oct 29 2026
बिहिवार, भाद्र २४ २०७८
नेपाल वाइड
खोटाङ । भदौ २४, खोटाङको हलेसी तुवाचुङ नगरपालिकाको कांग्रेस नगरसभापतिमा नेता चक्रकुमार राईले उम्मेद्वारी दिने घोषणा गरेका छन् ।
हलेसी तुवाचुङ नगरपालिका–५ दुर्छिम राबुका राईले बिहिबार हलेसीमा आयोजित कार्यक्रमबाट आगामी भदौ २७ गते हुने गाउँ/नगरपालिका अधिबेसनमा ११ वडा रहेको नगरपालिकाको नगरसभापति पदका लागि उम्मेद्वारी दिने घोषणा गरेका हुन् ।
कांग्रेसका जिल्ला कार्य समिति सदस्य रहेका राईले कांग्रेस जिल्ला सभापति नरेश श्रेष्ठ, कांग्रेस महासमिति सदस्य सुबासकुमार पोखरेल, महाधिबेसन प्रतिनिधि बिरकाजी राई लगायतको उपस्थितिमा उम्मेद्वारी घोषणा गरेका हुन् ।
राईलाई कांग्रेस क्षेत्रीय सभापति एवं हलेसी तुवाचुङ नगरपालिकाका मेयर इवन राई, महासमिति सदस्य दिनेश राई, महाधिबेसन प्रतिनिधि जितेन्द्रसिं ठकुरी लगायतको समर्थन छ ।
राईको प्यानलबाट उपसभापतिमा काशीराज राई र देबेन्द्र राई, सचिवमा कमल गिरी र किशोर बस्नेत, सह–सचिवमा खेमराज कार्की र युवराज कार्कीलाई उम्मेद्वार बनाउने तयारी गरिएको छ । नगरसभापतिका उम्मेद्वार राईसँग गैर–सरकारी संस्था संघमा काम गरेको लामो अनुभव पनि छ ।
नगरपालिकाको पार्टी सभापतिमा अर्का आकांक्षी युवा नेता रमेश राउत देखिएका छन् । टिमभित्र अन्य पात्रको चर्चा चलेपनि अन्तिममा नगरसभापतिमा राउतकै उम्मेद्वारी आउने निश्चितझैं देखिएको छ ।
घोषणा गर्न बाँकी रहेको भए पनि नगरसभापतिमा आफ्नो उम्मेद्वारी रहने राउतले बताए । हलेसी तुवाचुङ नगरपालिका–७ मंगलटारका वडाध्यक्ष रहेका राउतलाई पुर्व राज्यमन्त्री सर्वधन राई, हलेसी तुवाचुङ नगरपालिकाकी उपमेयर विमला राई, नेविसंघका पुर्व केन्द्रिय सदस्य दुरेन राई, पेशल राई लगायतको समर्थन छ ।
२०६२ सालमा पाटन क्याम्पसको ईकाई समिति सदस्य बनेर २०६२ सालदेखि राजनितीमा प्रवेश गरेका राउत स्थानीय तहको निर्वाचनमा वडाध्यक्ष चुनिएका हुन् ।
